Sa l ye, e sa m vle l ye
Mackenson Exantus
—————————————-
Ma labou rigol dlo pil fatra sèvi adrès
Pandan l se teren kapital politik nèg a vès
Plen pousyè nan sezon sèch, lè lapli l se wout rivyè
Zon chak fwa gonw problem sak pwal fè pousyè plizyè
Non zonn m an tèlman lou, son w plon k mare nan pye nèg
Se la lè chef pa nan jou yo vin mare enpe nèg
La chaje korido kot enmi leta ka abrite
Majinalize, dezimanize, se la y abite
An baz se pate maten e spageti chak swa
Se a pèn siw fanm w ka jwenn diri sos pwa
Pi fasil dyob ke ovam bay se youn lot pale mal
Aksyon yo radikal yo geri le mal par le mal
Si w ouvè gro biznis ak kò w y ap ba w poud pou makiye w
La, a bri bal se mizik, san pedi tan y ap gaspiye w
Sa a se penti figi zon pam nan san mete vwal
Kot anpil talan ak konpetans oblije mete vwal
——–
Se jounen ak nwit salye e sam vle’l ye
Zòn pa m chaje plizye ti katye ki sa l vre (ye)
Mize frape pot lokatè san l pa salye
Wi se vre l sanble lanfè men se pa sa l ye
——–
Yon zòn mounn eklere avèk limyè sou chak poto
Pou l bèl e byen klere maten ou swa se bèl foto
Poubèl nan chak kafou, konbit pou fè asenisman
Pou lè sak te kite kafou tounen ka fè sezisman
Pou sispann yon trou kote pou bandi vin kache
Men pito trou kote siw vle lò pou vin chache
Kote jèn fi ka mache trankil nan nwit pou kont yo
Jèn gason pap komèt zak pou fe paran yo wont yo
Zòn plezi garanti pi gran jwenn respè pi piti
Sou figi se plis souri olye de bandi
Redwi kantite moun mouri nan mizè k pataje
Yon zòn moun solidè nan devlopman kominote
La pè tabli nan tout sektè, lokatè ak pwopriyetè
Anfen yon zon ki gen plis lopital famasi ke mog
Ak plis okipasyon pou jèn ke zam alkol ak dwog
